Góð hljómsveit. Ég man þegar ég var einhvern tímann að tala um hana hér á þessu bloggi mínu og það er nú barasta ár síðan það var! Já, lömbin mín, tíminn líður of hratt Mér finnst eins og það hafi verið i gær. Á þeim tíma sem ég var að uppgötva þá hljómsveit, eða réttara sagt Atli að benda mér á hana eins og með flest allar aðrar hljómsveitir, þá var ég að taka bílprófið mitt. Ég hugsaði einmitt þá:"...Vá, þegar ég á eftir að hlusta á Ladytron í framtíðinni þá á það eftir að minna mig á þennan tíma, þegar ég var að taka bílprófið mitt og var í 4. bekk." Og fyrstu rúntana var heldur ekki hlustað á neitt annað en Ladytron. Og nú, ári seinna, þá minnir Ladytron mig bara á þessar góðu stundir.

Jaaá.

Á föstudaginn ætla ég að vera menningarleg. Ég, Bára og Gerður erum að fara á Pétur Gaut. Það verður vonandi gaman enda hefur sú sýning fengið góða dóma, held ég. Fulltfulltfullt af heimsóknum á síðuna, sem er gaman því ég hélt að hún væri að deyja, en þið megið alveg kvitta fyrir komu ykkar þið sem komið hingað inn, gaman að sjá hverjir eru að skoða þetta sjyyytt..

Svo bara búið að snjóa helling í dag. Ef það segir manni ekki að jólaprófin nálgist á ljóshraða þá veit ég ekki hvað..

Æ.. þetta er leiðinlegt blogg.. ég nenni ekki meir í dag. Fullt ógó gaman búið að gerast í dag en það biður betri tíma að segja frá því

tsjá :*

 

Ég verð bara að viðurkenna að á laugardaginn var ég orðin frekar þreytt á tilverunni enda lífið búið að leika mig grátt síðustu daga þar á undan.
Á fimmtudaginn var ég á fullu að læra og gera skýrslur og verkbækur og annað skemmtilegt og tímafrekt og svo fattaði ég mjög seint að ég átti eftir að leiðrétta spænskuritgerð fyrir næsta dag og því miður fann ég hana ekki. Það fannst mér mjög leiðinlegt enda með strangan kennara í því fagi og það er glatað að segjast hafa týnt ritgerð En það var bara byrjunin.
Á föstudeginum var ég að drífa mig heim úr skólanum. Og þar sem löggan er alræmd fyrir að VERA ALLAN SÓLARHRINGINN á Álftanesveginum að taka fólk þá þurfti hún endilega að taka sakleysingjann mig. Og ég var ekkert einu sinni að keyra það hratt, en vá þeir mega fara í rassgat... hehehe Bæði skiptin sem ég hef verið tekin þá hefur það verið á Álftanesveginum. Ég þoli ekki Álftanesveginn, hann er langur og löggan er alltaf þar. Og þar sem ég er fátækur námsmaður og með áhyggjur af fjárhag mínum þá má ég ekki við svona peningasóun. En svo á víst að fara að hækka sektir 1.des þannig að það má segja að ég hafi bara rétt sloppið við kannski hva.. 20 þús kjell?! Úff.. Svo var greinilegt að löggan sem tók mig átti ekki sjö dagana sæla...Mr. Grumpy.. yes..
En já.. nóg um þetta lögguvesen. Nú er það bara 70 km hraði á Álftanesveginum og ekki kílómeter hærra! (Nema þar sem hámarkshraði er lægri off kors )
Á laugardeginum fór ég að vinna, allt gott og blessað með það, nema að þegar ég kom heim þá var ég svo ógeðslega mikið að drífa mig að ég labbaði á hornið á svefnsófanum mínum með þeim afleiðingum að litla táin mín hmm.. hún brotnaði ekki en díses hvað þetta var sárt! Þið viljið ekki að ég lýsi þessu nánar
En fyrir utan þessi smávægilegu atvik sem eru ekki einu sinni þaaað slæm, þá er bara allt fínt að frétta Nóg að gera reyndar, meira en nóg. Jólaprófin nálgast og ekki einu sinni mánuður í þau! Það kemur alltaf svona aukahjartsláttur þegar ég hugsa til þeirra En þegar þau verða búin þá verður allt gaman Jól.. góður matur, snjór, seríur, jólatré, jólaskraut, jólatónlist, allt svo kósíí..mmm..Ég þoli ekki að prófin séu áður en jólin koma, mig langar bara að fá þau strax. Það er eins og maður þurfi að vinna fyrir því að fá þau. Fara í gegnum slatta af prófum, og eftir þau, þáá mega jólin koma. Oh..
Ég er svo södd að ég er að deyja. Var að enda við að koma af American Style með Valla og ég tók eftir því hvað ostborgarinn (og líklegast flest annað) hefur hækkað mikið, samt ekkert það nýlega en samt. Þegar ég byrjaði að stunda þennan stað grimmt þá kostaði eitt ostborgaratilboð 895 kr en núna kostar það 1095 kr. Jahá..
En núna er ég að spá í að fara að lesa bók, eitthvað sem ég geri aldrei. Og nei, ég les ekki einu sinni námsbækurnar ussss... Kvennamaður deyr, eftir Óttar Guðmundsson.
Bara búin með fyrstu blaðsíðuna en hún lofar strax góðu

Eitt að lokum. Brynja elskan (betur þekkt sem Brynja perv, hjá mér allavega HAHHAA ) á afmæli á morgun, til hamingju með það sæta! :*

Ég er ömurleg í þessu bloggi. Maður er alveg dottinn úr æfingu. Kannski er málið ekkert að "kunna" að blogga, ætli málið sé ekki bara að skrifa eitthvað rugl niður.. ég ætla allavega að gera það núna.
Það er hausthlé í skólanum. Það var kærkomið enda var skólaleiðinn orðinn svo mikill að það var engu lagi likt. En nú þykist ég eitthvað ætla að taka mig á í skólanum. Af hverju endar maður alltaf í sama farinu? Ef ég baaara vissi það. En það er allt fínt að frétta af mér. Afmælisdagurinn minn var frábær, fékk fallegar gjafir og átti góðar stundir með mínu fólki. Við familían fórum um kvöldið upp á Garðaholt til að horfa á þessi ljós sem yrðu slökkt seinna um kvöldið og þegar það gerðist var það svo lítið að ég tók varla eftir því. Samt var alveg myrkur. Það var frekar skrýtið að keyra heim, ekkert ljós frá ljósastaurunum. Ég held allavega að ég hafi aldrei keyrt Álftanesveginn áður í svona miklu myrkri..omg. En jájá, búin að fara í partý og á árshátíð, hún var núna á fimmtudaginn. Bara helvíti skemmtileg verð ég að segja

Hér erum við Katrín hressar ójá. (Rauði varaliturinn var að gera góða hluti þetta kvöld)

Og hér er ég og Ingibjörg, bekkjarsystir mín.

Mig langar óendanlega mikið til að fara til útlanda og missa mig i H&M. Einhver memm? Sá heppni aðili sem fær að fara með mér má líka borga allt fyrir mig því ég er því miður orðin fátækur námsmaður Helvítis American Style og AktuTaktu. PENINGASUGUR! En jæja, nóg að gera í næstu viku. Fullt af prófum, efnafræðipróf, Njálupróf og MockingBird-próf. Og svo eru tvö afmælisbörn í næstu viku, Chris og Valli. Paaaatípatí!

Ég hef undanfarið hleypt út mínum innri hnakka (veit ekki hvort það sé gott eða vont) og farið einstaka sinnum í ljós, t.d. með Valla og Báru tan hehehe Svo er auðvitað FM957 á fóninum og verð ég að segja að ég er að fila nýja lagið hans JT mjög mikið, það heitir My Love. Svo er náttúrulega eitt gamalt og gott sem ég verð að láta hérna fylgja með, það heitir The Weekend og er með Michael Gray. Ef þetta hljómar hnakkalega þá vil ég bara koma því að, að ég á ekki gula Hondu, þó sumir aðrir hafi átt þannig

Ég er orðin viðbjóðslega svöng þannig að ég ætla að fá mér litla örbylgjupizzu, önnur í röðinni í dag! Ójá

Ég á afmæli í dag Enn sem komið er þá hefur þessi dagur verið frábær Takk allir sem hafa gefið mér gjafir og sent mér amlis-sms Eitt fúlt við þennan dag samt. Í morgun var byrjað að setja vatn í Kárahnjúkavirkjun, eða svo var mér sagt En svona er þetta bara. Og í kvöld á víst að slökkva ljósin í Reykjavík ... geðveikt kúl

Bara allt að gerast í dag

Bloggin hjá mér eru orðin stutt og hniðmituð..and boring ..hehehe... En ég þarf víst að fara að hjálpa mömmu að taka til, familían í mat í kvöld

ÁSTA AFMÆLISSTELPA KVEÐUR

 

..þegar ég er 17 ára. Sem þýðir að ég á ammmmli á morgun Jeij En ég var að koma úr Njáluferð áðan, það var bara mjög gaman ójá. Fengum geðveikt veður, sem er bara kúl. Nú þarf ég að fara að læra. Oj.

Og já eitt enn..til hamingju með afmælið maja sæta :* Og lilja líka á föstudaginn Ví. Afmæli koma mikið við sögu í þessu stutta bloggi mínu.

Spænskan kallar..

 

Ég skal þá blogga eitthvað fyrir ykkur litlu lúðarnir ykkar. En fyrst ætla ég að byrja þetta stórskemmtilega blogg mitt á nokkrum samhverfum. Þær eru endalaust fyndnar Meika stundum ekkert sens .... hehe

Ókei, nóg af skemmtilegheitum. Vá ég hló samt upphátt meðan ég var að setja þetta inn hehe Eins og þið hafið kannski tekið eftir þá er ég ekki i miklu bloggstuði þessa dagana og ég veit ekki hver ástæðan er. Er það leti? Er það þreyta? Eða er bara svona rosalega mikið að gera hjá mér? Ástæðurnar eru pottþétt leti og þreyta. Kannski líka áhugaleysi um þessa síðu. Hver veit. En ég er alls ekki að neita því að það sé ekki nóg að gera, það vantar ekki. Ég auðvitað byrja skólaárið af krafti eins og venjulega og sef voða mikið þegar ég kem heim úr skólanum enda þá er ég oftast of þreytt til að geta lært nokkuð. Svo vaknar maður og þá er maður líka of þreyttur til að læra nokkuð. Ég er löt, ég veit það. En þetta er bara vítahringur. Svefnvítahringur. Ég afsaka þessa leti mína með því að vera á þeim aldri þar sem ég verð að sofa mikið. Og kannski er það svo, ég veit ekki. Annars er skólinn bara mjög fínn. Allt gott að frétta nema það að stærðfræði sökkar En það er ekkert nýtt. Ég hélt fyrst að ln væri In þannig að ég skrifaði alltaf In og meira að segja á fyrsta prófinu mínu!! IN! Vá.. omg.. kennarinn heldur örugglega að ég sé fáááviti. (Nú koma margir með komment eins og:"Uuu.. þú ert fáviti"..en sorrí það er fyrirsjáanlegt ). Ég varð að koma með smá svona stærðfræðikomment.
En nóg af náminu..oj.
Busaballið var á fimmtudaginn var og það var bara ágætt, þrátt fyrir það að ballið hafi verið á Broadway, staður sem ég hata (úúú ein bitur ..nei djók ). Ég skil vel að hann er notaður, enda er þetta stór staður og það er hægt að selja mikið inn, en hann er eitthvað svo of stór (samt ekkert á við Gullhamra, eða hvað?) Ef maður týnir einhverjum þá er hann bara horfinn. Ég þrái Dj-Páls Óskars-ball á Nasa, plís No more Broadway. En já ég vona að Ólöf fari að láta mig fá þessar Mallorca myndir því þá ætla ég kannski að reyna að setja einhverjar myndir hingað inn fyrst að þær biluðu flestallar

En nú held ég að það sé komið nóg í bili. Vil endilega segja ykkur frá lagi sem heitir The Zookeeper's Boy með Mew.

Og eitt að lokum.
GO MAGNI

Bleee

Jæja, þá er maður kominn aftur á klakann. Reyndar vika síðan en ég hef ekkert nennt að skrifa. Og núna er ég bara að skrifa eitthvað til að þessi blessaða síða deyji ekki. En já, það var bara mjög gaman út á Mallorca Fyrstu vikuna saknaði ég allra svo mikið að ég hélt að ég myndi drepast en seinni vikuna var svo stutt í að ég myndi hitta alla þannig að söknuðurinn hvarf og það kom smá spenna í staðinn. Jólöf létum riflana og aðrar byssur ekkert í friði og skutum endalaust af þeim og fengum diplomas... hehehehe Skemmtilegar sögur að segja frá því.. kannski Ólöf aka SLEF vilji segja frá því. Það stóð Ólef á diploma spjaldinu hennar en það leit út eins og Slef þannig að ég hef stundum kallað hana Slef síðan þá, endilega gerið það líka... Ég vona að Slef fari að koma með myndirnar bráðlega svo ég geti sett þær inn

Anyways.

Skólinn byrjaður á fullu og mér líst bara ágætlega á 5. bekk Strax nóg að gera, veit ekki hvort að það sé gott eða vont. En ég nenni ekki að skrifa meira

Bless í bili

 

Aðeins örfáir dagar í Mallorca! Fer út á miðvikudaginn næsta. Þetta verður geðveikt. Hérna er mynd af hótelinu mínu

Namminamm.

 

Ég lenti um daginn fyrir aftan lögguna á ljósum og fékk smá stresskast. Passaði mig geðveikt vel og keyrði alveg undir löghraða en það sama er ekki hægt að segja um lögguna! Hún var alveg á 80 á 60 vegi og þá vantar bara 7 km í viðbót og þá væri hægt að taka hana á hraðanum sem ég var yfir þegar ég var tekin! Þetta fór smá í mínar fínustu því auðvitað á löggan að fylgja umferðarlögunum rétt eins og hver annar. Þegar að næstu ljósum var komið var hún ekkert að hægja á þótt að það væri rautt ljós framundan. Hún gaf bara í ef eitthvað var. Svo tók hún feita U-beygju á rauðu ljósi án þess að hafa bláu ljósin kveikt. Má það? Ég bara spyr. Hefur löggan meiri rétt til að gera svona lagað frekar en ég ef hún er ekki með bláu ljósin á? Endilega segiði mér sannleikann í þessu máli, mig langar að vita hann.

Ég var samt að átta mig á því að ég er skíthrædd við lögguna. Alltaf þegar ég sé hana þá fæ ég fiðring í magann, og ekki svona góðan fiðring eins og hrifin af einhverjum-fiðring eða ég hlakka ógeðslega mikið til-fiðring heldur hræðslufiðring Sá lögguna um daginn þegar ég var að slá og ég lét pirring minn bitna á henni og gaf henni mest EVIL look sem ég hef á ævi minni gert! Ef löggukallarnir skitu ekki í brækurnar á staðnum þá veit ég ekki hvað

Svo fór í brúðkaup á sunnudaginn var til Klöru og Ívars. Athöfnin var í Fríkirkjunni í Reykjavík og þau fengu frábært veður, miðað við að síðustu daga á undan sökkaði það. En já, athöfnin var alveg gullfalleg og þegar Klara labbaði inn kirkjugólfið með Kjartani og brúðarmarsinn var undir þá táraðist ég geðveikt og ég varð geðveikt að passa mig að maskarinn minn myndi ekki leka niður hehe Svo söng Páll Óskar þrjú lög og það var mjög fínt. Svo táraðist maður á ný þegar þau kysstust. Alveg eins og í bíómynd Bara sætt

Mamma og pabbi eru upp í Borgarfirði og mig langar svo þangað að ég er að fara að keyra þangað ein núna á eftir á Polonum. EIN! ALEIN! Ég sem varla rata út úr bænum Heheh Ég vona nú að ég komist á áfangastað. Þetta er í fyrsta skiptið sem ég keyri eitthvað út á land og þá er ég alein, sem er kannski fyrir bestu ef eitthvað kemur fyrir

Djöfull er ég pirruð að allar myndirnar sem ég setti inn um daginn eru dottnar út! Fékk mér aðgang að myndasíðu en þá var það bara einhver skitin síða með prufutíma sem rann út eftir fáeina daga og ég vissi það ekkert Ég er ekki að nenna að setja þessar myndir inn aftur Svo er eitt enn sem pirrar mig frekar mikið.. fyrst ég er nú byrjuð á þessu. Það kemur alltaf villa í staðfestingarkóða hjá mér svona fyrstu 6 skiptin sem ég geri komment.. það er nett pirrandi.. en ókei.. skiptir engu.. nóg af rugli

Í dag er 22. júlí sem þýðir að Auður sætasta átti afmæli í fyrradag! Til hamingju með það múslan mín! :* Og svo eru einnig 18 dagar eða 17 í Mallorca Kann ekki alveg að telja niður

En nú þarf ég að fara að leggja í hann! Tsjá :*

..ég er að fara til Mallorca 9. ágúst og ég veit ekkert meira en það. Búin að borga ferðina og ég veit ekkert hvar hótelið er eða hvað það heitir. Það er svolítið skrýtin tilfinning að vita ekkert hvert ég er að fara, en það er bara gaman
Ég þarf að segja ykkur eitt sem gerðist fyrir mig um daginn Ég var að hita mér svona frosna, litla pizzu og setti hana á svona affrystisdæmi í örbylgjuofninum (sem er reyndar frá fornöld en ókei..) og svo hitaði ég hana í nokkrar mínútur. Síðan tók ég pizzuna út úr örbylgjuofninum og byrjaði að borða hana og svo var ég líka í tölvunni. Síðan heyri ég allt í einu einhvern brest og ég vissi ekkert hvaðan hann kom. Leit í kringum mig og svo leit svo niður á diskinn. Þá hafði hann brotnað upp úr þurru! Samt örugglega út af einhverjum hitabreytingum en þetta var samt geðveikt skrýtið ...
Ég býst við því að þessi helgi verði eitthvað í rólegri kantinum. Samt langar mig svo mikið að gera eitthvað en nei, maður verður víst að vera stilltur í kvöld því það er vinna á morgun. Já, vinna í Fjarðarkaup. Ég hef ekki unnið þar síðan í apríl Komið fullt af nýjum græjum en ég verð nótæm að læra á þær Svo fer ég í brúðkaup á sunnudaginn Alltaf gaman í brúðkaupum Ein svona pæling..hvað á maður að gera um verslunarmannahelgina?
Annars er ég hætt að vera svona mikið ein heima eins og ég var því ATLI BEIBÍ er kominn heim Yay. En hann er bara búinn að vera að vinna síðan hann kom heim þannig að í raun er ég ennþá ein On My Own - Ulrich Schnauss. Gott lag. Passar vel við hér því ég er mikið búin að vera on my own. Það er frekar þreytandi til lengdar verð ég að segja
Ég var að skoða myndir síðan við Álftanesstelpurnar vorum heima hjá Sigrúnu og það er ekki laust við að maður sakni snúllanna sinna Við verðum að fara að gera eitthvað!

5.S er bekkurinn minn á næsta ári Hljómar vel Svo var ég að búa til nýja skoðanakönnun. Mér finnst hún einum of svöl. Alveg eins og mér finnst Dilana i RockStar Supernova einum of svöl! Sjytt hvað hún Á að vinna þetta. Ring of Fire var BARA flott hjá henni, hún á eftir að rústa þessu. Sorrí, Magni

En já, ég er farin að borða lurk (ísinn ) ..

BLESS

Jáááá. Ólöf ætlaði að blogga hérna en hún nennti því aldrei þannig að ég neyðist til að blogga eitthvað núna Ég samt nenni því ekki en samt langar mig.. erfitt líf. Ég fór upp í Borgarfjörð um daginn með mömmu og pabba yfir helgi. Ég bjóst við því að deyja þar en viti menn, ég lifði af og þetta var bara hin fínasta helgi og ég skemmti mér vel þrátt fyrir að hafa eiginlega bara verið sofandi allan daginn og hlustandi á tónlist og drekkandi kakó í massavís. Það var ekkert smá kósi og þægilegt, enda er litla húsið svo dúllulegt að manni getur bara liðið vel þar Satt best að segja fór ég ekki út úr húsinu alla helgina! Hversu löt getur ein manneskja verið?

Hér kemur eitt skemmtilegt samtal milli mín og Ólafar.
Ólöf sat og var að skoða Moggann og sagði:
"Hey..mynd af Twiggy!"
Og ég spurði:
"Ármanni?"
af því mér heyrðist hún segja:
"Hey..mynd af Sigga"
þannig að ég fór að pæla hvort þetta væri mynd af Sigga Ármanni sem hitaði upp fyrir José González. Og svipurinn sem kom á hana hahaha...ok......þetta er svona had to be there......

Við erum búnar að hlæja að þessu alla helgina og ég sé fram á að við munum hlæja að þessu næstu 5 árin líka Við fórum á MR-bjórkvöld á föstudaginn og þetta er í fyrsta skiptið sem við "djööööööömmum" saman. Vá hvað ég elska þetta orð.. En það var bara helvíti skemmtilegt og kvöldið endaði eins og svo oft áður heima hjá Valla partýanimal Svo tókum við taxa heim og friggin gaurinn rukkaði mig of mikið! He's going DOOOOOOOOOWN!! Við sváfum frá 6 til 10 og vöknuðum eldhressar og fórum í Hress og þar var púlað í smá..eða ekki.. og svo fórum við að versla og ég keypti mér Nikita buxur Svo fórum við að sofa og sváfum frá 6 til 10 um kvöldið Ætluðum ekkert að gera en einhvern veginn ákváðum við að fara í partý til Valla og gista svo hjá vinkonu Ólafar eftir á. Fórum til Valla um hálfeitt og byrjuðum að drekka klukkan 1 og það stóð yfir til 7 og þá fórum við að horfa á þætti og Kill Bill sem ég barasta botnaði ekkert í. Enda sofnaði ég yfir henni Þannig að við fórum ekkert til vinkonu Ólafar. Svo vöknuðum við súrar um hádegið og keyrðum heim og ösnuðumst til að fara í sólbað þar sem við sofnuðum og sköflungarnir mínir eru að drepa mig. Mér líður eins og það sé verið að skera mig þegar buxurnar rekast utan í þá Anyways.. MJÖG skemmtileg helgi að baki Fullt af gullnum setningum og bara mómentum! (Katrín hahahahah)

Allir í burtu.. mamma og pabbi í Borgarfirði og Atli á Ítalíu (sem vann HM ). Ég hringdi í hann í gær og ég heyrði þvílík læti fyrir aftan. Hann kemur samt heim á fimmtudagsmorguninn Þá verður gaman Svo kemur Katrín eftir 12 daga! Og svo fer ég út eftir 29 daga held ég ...29 dagar til að koma sér í smá form sjytt..

Zidane endar ferilinn á geðveikan hátt. Til hamingju, Zidane. Þú færð hrós frá mér.

Geðveikur bömmer að myndirnar hérna fyrir neðan skuli ekki virka En því miður nenni ég ekki að laga það Og ég nenni heldur ekki að blogga meir ...


Tsjá elskurnar mínar :*

Ég meikaði ekki lengur að sjá fiskamanninn þegar ég kom inn á síðuna mína þannig að núna neyðist ég til að blogga Ein mesta djamm+ferðahelgin framundan fyrir utan verslunarmannahelgina og hvað er Ásta að fara að gera? Jú, hún er að fara upp í Borgarfjörð með mömmu sinni og pabba Það verður vonandi fínt, vona bara að ég mygli ekki til dauða þarna... oj hehe Ég var áðan í bænum, sótti um nýtt kort af því að segulröndin á kortinu mínu er ónýt .. drasl. Auðvitað tók ég nýja mynd því að hin var vægast sagt VIÐBJÓÐUR hahah Svo fór ég að versla með mömmu og við keyptum ís og ég fékk mér bragðaref. Ég veit ekki af hverju ég keypti bragðaref, ég verð alltaf södd eftir fyrstu fimm skeiðarnar eða eitthvað
Atli fór til Ítalíu á miðvikudaginn og ég sakna hans ekkert smá mikið Ég skil ekki hvernig ég meikaði mánuð án hans fyrir nokkrum árum. En hann kemur heim eftir rúmar 2 vikur Ekkert svo langt í það. Svo ætlaði ég að athuga í hvaða bekk ég er á Innunni minni en nei, þá er búið að loka fyrir hana Ömurlegt.. En ég er núna að fara að setja inn myndir úr sumarbústaðaferðinni sem ég fór í með allri föðurfjölskyldunni minni í byrjun júní .. jájájá..

Hérna er mynd af Hönnu sætu frænku minni

Og hérna er Elmar Logi litli frændi minn með pós hahaha

Þau kunna sko að pósa! Stóra frænkan þeirra hefur kennt þeim vel

Ég er að brjálast á vélinni minni Þessi vél mín er eitt mesta drasl sem ég hef komist í kynni við! Bilar við ekki neitt. Og nei, ég fer ekki illa með hana, í alvöru. Í gær datt reimin svona 34534523 sinnum af og Ína hjálpaði mér alltaf að setja hana á því ég kunni það varla, og að lokum náði ég að skilja hvernig þessi reim á að vera sett á þannig að ég sagðist bara ætla að laga hana sjálf þegar hún bilaði aftur, enda var það bara tímaspursmál því ekki mínútu seinna datt helvítið af og ég bara aaaarg Þá tók ég sko til minna ráða og náði að laga þetta og byrjaði að slá smá. En nei, hún slitnaði eftir fáeinar mínútur og þá þurfti ég að keyra lengst og fá nýja reim. Þegar þangað var komið þá hafði gormurinn dottið af þannig að ég þurfti að fara alla leið til baka þar sem reimin hafði slitnað til að finna gorminn. Og jújú ég fann hann, en þegar ég hafði lagt af stað frá hinum staðnum til að finna gorminn þá hafði nýja reimin dottið af! Hahaha Allt í rugli. Þannig að ég þurfti að keyra til baka og finna reimina! Og svo fann ég hana og þá loksins gat ég lagað þetta drasl! Ég fékk samt smá kikk út úr því að gera við hana og að hún skyldi líka hafa virkað eftir "viðgerðina" mína. Ég varð ekkert smá stolt Hehehe Ína búin að gera þetta svona skrilljón sinnum Spurning hvort maður ætti ekki bara að fara í bifvélavirkjann fyrst maður er svona klár? En þetta var nú bara smá svona innsýn í vinnudagana mína ... gaman gaman.

En nóg af bulli. Þið skemmtið ykkur vel sem eruð að fara út á land eða bara í kjötpartýið sem ég missi af Gangið hægt um gleðinnar dyr :*

Ásta